Фактҳои обуҳаво

Шабонарӯзи наздик дар ноҳияҳои НТҶ ва вилояти Хатлон ба амал омадани боришот (борон, барф)-и бошиддат дар назар буда, дар баъзе ноҳияҳо туман мефарояд.

Обу ҳаво дар Душанбе

4 декабр, ҷумъа
+6...+8°C
Абрнок, Дар баъзе холатҳо борони шиддатнок
5 декабр, шанбе
+9...+11°C
Ҳавои тағйирёбанда, Бебориш, Туман
6 декабр, якшанбе
+10...+12°C
Ҳавои тағйирёбанда, Бебориш, Туман
7 декабр, душанбе
+11...+13°C
Ҳавои тағйирёбанда, Борони кӯтоҳмуддат
8 декабр, сешанбе
+6...+8°C
Ҳавои тағйирёбанда, Бе боришоти назаррас.

Обу ҳаво дар Тоҷикистон

НАЗАРЕ АЗ ТАЪРИХИ ШАБАКАҲОИ ДАВЛАТИИ

ОБУҲАВОСАНҶӢ 

Дар  асри XXI мардуми тоҷик бо роҳбарии хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои бузурги иҷтимоӣ, сиёсӣ ва иқтисодӣ ноил гардиданд. Агентии обуҳавошиносии Кумитаи ҳифзи муҳити зисти назди Ҳукумати Тоҷикистон ягона ташкилотест, ки барои пешгўии вазъи обуҳаво, мушоҳидаҳои гидрометеорологӣ, ифлосшавии муҳити зист, тағйирёбии иқлим, расондани иттилооти фаврӣ нисбати обу ҳаво махсус гардонда шудааст. Маҳз дар даврони соҳибистиқлолӣ фаъолияти Агентӣ ҷоннок гашта, бо дастгирии давлат ва ҳукумати ҷумҳурӣ бо таҷҳизотҳои навтарини соҳавӣ муҷаҳҳаз гашт. Ҳоло мутахассисони варзида бо ёрии ин таҷҳизоту техникаи муосир, ки ҷавобгўйи меъёрҳои байналхалқианд, пешгўии вазъи обу ҳаво, сар задани офатҳои табиӣ, тағйирёбии иқлимро зери мушоҳида гирифта, бо факту рақамҳои аниқ маълумот тайёр мекунанд.

Дар қаламрави Тоҷикистон нахустин стансияи обуҳавошиносӣ ва дидбонгоҳҳо дар нимаи дуюми асри 19 ташкил шудаанд. Аввалин стансияи обуҳавошиносӣ соли 1866 дар шаҳри Хуҷанд, соли 1873 дар шаҳри Истаравшан, соли 1879 шаҳри Панҷакент, соли 1894 ноҳияи Мурғоб, соли 1898 шаҳри Хоруғ ва соли 1929 дар Қурғонтеппа кушода шудаанд. Дар зер мехоҳем дар бораи стансияҳои обуҳавошиносии куҳанбунёд сухан бигӯем, ки ин аз таърихи мушоҳидаҳои обуҳавошиносӣ гувоҳӣ медиҳад:

СТАНСИЯИ ОБУҲАВОСАНҶИИ ШАҲРИ ХУҶАНД

Стансия ва бахшҳои дар вилоятҳои ҷумҳурӣ таъсисёфта низ ба худ таърихи рангине доранд. Аз ҷумла, яке аз кўҳнатарин стансия, ин стансияи обуҳавосанҷии шаҳри Хуҷанди вилояти ҳозираи Суғд мебошад. Қобили тазаккур аст, ки стансияи обуҳавосанҷии Хуҷанд таърихи рангин ва ибратбахше дошта, солҳои 1866 ташкил ёфтааст ва соли ҷорӣ 154 солагиашро қайд мекунад. Ташаккулшавии стансияи метеорологии Хуҷанд дар яке аз шаҳрҳои қадимаи Осиёи Марказӣ ба мушоҳидаҳои обуҳавосанҷӣ ва омўзиши иқлим дар ҳудуди Тоҷикистон  асос гузошт. Қайд кардан зарур аст, ки маҳз дар Хуҷанд, дар водии гулгулшукуфтаи Фарғона зарурияти омўзиши хусусиятҳои иқлими маҳал ба миён омадааст. Пешрафти мунтазами соҳаҳои гуногуни иқтисодиёт ва дар навбати аввал хоҷагии кишоварзӣ, саноат ба инобат гирифтани хусусиятҳои обуҳавосанҷии маҳалро талаб мекард. Дар ин боргоҳи обуҳавошиносӣ аз рўзҳои нахустини фаъолият доштанаш гурўҳи мутахассисони варзида кору адои вазифа кардаанд. 1 ноябри соли 1866 аз тарафи якумин мушоҳидакунандаи стансияи метеорологии Хуҷанд Штраус ба китоби қайди мушоҳидаҳои метеорологӣ аввалин маълумот дар бораи ҳолати обуу ҳавои Хуҷанд сабт шудааст.

Стансияи Хуҷанд барҳақ мактаби ҳақиқии кормандони соҳа гашта, дар саросари Осёи Марказӣ чун маркази обуҳавосанҷӣ эътироф гардид. Стансия якчанд маротиба ҷойгиршавӣ ва фарогирии назорати нуқтаи муҳитро иваз кардааст. Он моҳи августи соли 1929 дар 500 метр, соли 1940 - 400 метр , соли 1961 1250 метр, соли 1966 - 1600 метр аз сатҳи баҳр боло ҷой гирифт.

СТАНСИЯИ ОБУҲАВОСАНҶИИ ИСТАРАВШАН

Стансияи обуҳавосанҷии шаҳри Истаравшан, ки солҳои аввал Ўротеппа ном дошт, ҳанўз соли 1873 ифтитоҳ ёфтааст. Фаъолияти пурсамари кормандони стансия асосан соли 1930 шурўъ шуда, оҳиста-оҳиста бо техникаю таҷҳизоти замонавӣ таъмин гардидааст. Дар тўли ин солҳо стансияи обуҳавосанҷии Истаравшан роҳи пуршараферо тай карда, аз як коргоҳи хурди илмӣ-таҷрибавӣ ба як маркази мўҳташами ҳавосанҷӣ табдил ёфтааст.

Маълумотҳои аниқу дақиқи ин стансия ҳамеша таваҷҷўҳи муҳаққиқону олимони соҳаро ба худ ҷалб мекард. Натиҷаи корҳои амалии онҳо дар бисёр китобу дастурҳои Агентӣ гирд оварда шудаанд. Дар баландии зиёда аз 1005 метр аз сатҳи баҳр қарор дошта, фарогири мушоҳидаҳои тағйироти иқлим, боду ҳаво ва боришот мебошад.

СТАНСИЯИ ОБУҲАВОСАНҶИИ НОҲИЯИ МУРҒОБ

Стансияи обуҳавосанҷии ноҳияи Мурғоб яке аз нахустин стансия дар шарқи Вилояти Мухтори Кўҳистони Бадахшон маҳсуб меёбад. Зеро маҳз шароити кўҳистон, пиряхҳо ва иқлими тағйирёбандаи Помир мутахассисонро водор сохтааст, ки ҳанўз соли 1894 стансияи «Мурғоб»-ро мавриди истифода қарор дода, оиди вазъи обуҳавои баландкўҳҳо аввалин маълумотҳои саҳҳеҳро ба даст дароранд. Дўстию бародарии халалнопазири халқҳои русу тоҷик ва дигар миллатҳо буд, ки ин стансия ба маркази калони илмӣ табдил ёфт ва мактаби ҳақиқии тарбия, мардонагии мутахассисони ҷавон гашт. Стансияи обуҳавосанҷии ноҳияи Мурғоб дар мавзеи хушобуҳаво ҷойгир шуда, атрофи онро кўҳҳои сарбафалаккашида фаро гирифтаанд. Маҳз иқлими мўътадил имконият додаст, ки стансия бетанаффус мунтазам фаъолият карда, тағйирёбии обу ҳаво, ҳолати пиряхҳо ва қабати барфро муайян кунад. Он дар баландии 3576 метр аз сатҳи баҳр ҷойгир буда, мутахассисон бо таҷҳизоти зарурӣ таъмин мебошанд ва фаъолияти серсоҳаи худро лаҳзае қатъ намесозанд.

СТАНСИЯИ ОБУҲАВОСАНҶИИ ПАНҶАКЕНТ

Ин стансия асосан соли 1879 ташкил шуда, дар он солҳои аввал мутахассисони рус фаъолият доштанд. Бо мурури замон доираи амалиёти стансия васеъ гашта, мутахассисони таҳҷоӣ ба кор ҷалб шудаанд. Аввали соли 1930 стансия аз хоҷагии ҷангали ноҳия ба маркази шаҳри бостонии Панҷакент кўчонида шудааст. Дар моҳи декабри соли 1943 стансияи ҳавосанҷӣ бо стансияи обсанҷӣ якҷоя карда шудааст. Ин стансияи калони обуҳавошиносӣ дар ин муддат рушд ёфта, дорои воситаҳои техникие шудааст, ки ҷавобгўйи меъёрҳои байналхалқӣ мебошанд. Стансия аз соли 1951 сар карда ба худ аз нав номи Панҷакентро гирифтааст. Айни замон стансия дар баландии 1016 метр аз сатҳи баҳр ҷойгир буда, мутахассисон имконият доранд, ки муассисаю идораҳои масъулро бо маълумотҳои зарурӣ нисбати тағйирёбии обу ҳаво, муҳит сари вақт огоҳ созанд.

СТАНСИЯИ ОБУҲАВОСАНҶИИ ШАҲРИ ХОРУҒ

Ин стансия баъди стансияи ноҳияи Мурғоб дуюмин маркази обуҳавосанҷӣ дар минтақаи кўҳистони Вилояти Мухтори Кӯҳистони Бадахшон аст. Стансия таърихи бой дошта ҳанўз соли 1898 ташкил шудааст. Аввалин асбобу анҷомҳои барфченкунӣ ва дигар техникаи лозимаро ҳамон солҳо ба воситаи аспу қутосҳо ба ин гўшаи дурдаст равон кардаанд. Стансия аз сатҳи баҳр дар баландии 2075 метр қарор дошта, дар тамоми фасли сол пурра фаъолият дорад. Истгоҳ ҳамчунин мушоҳидаҳои аэрометеорологӣ бурда, раёсати хаттҳои парвози самолётҳои вилоятро бо маълумотҳои аниқ таъмин мекунад.

Дар тўли ин солҳо дигар соҳаҳои хоҷагии халқ аз қабили саноату кишоварзӣ, боғдорӣ, обёрӣ, гидроэнергетика, нақлиёт ва ғайра пеш рафта тараққӣ кард. Акнун барои шукўфоӣ ва пешрафти ин соҳаҳо маълумотҳои аниқи обуҳавошиносӣ зарур шуда монд, то ки хоҷагиҳо ва муассисаҳоро аз вазъи боду ҳаво, тармаю боронгарӣ пешакӣ огоҳ созанд.

СТАНСИЯИ ОБУҲАВОСАНҶИИ ШАҲРИ

ҚУРҒОНТЕППА

Стансияи обуҳавосанҷии шаҳри Қурғонтеппа 1 январи соли 1929 ташкил шуда, аз ҷумлаи нахустин марказҳои обуҳавошиносии вилояти Хатлон ба шумор меравад. Аз рўзҳои аввали фаъолияташ дар расондани маълумотҳои пешгўии обу ҳаво ба корхонаву муассисаҳои вилояти Хатлон кори пурсамареро анҷом додаст. Дар стансияи обуҳавосанҷии Қурғонтеппа мушоҳидаҳои метеорологӣ, агрометеорологӣ ва актинометрӣ пешбинӣ шудааст. 1 феврали соли 1967 стансия аз шаҳр ба масофаи 2 км ба ҷониби шимол кўчонида шудааст ва аз сатҳи баҳр дар баландии 426 метр қарор дорад. Ин стансия то қадри имкон бо мутахассисони маълумотдор таъмин мебошад. Таҷҳизоту техникаи мавҷуда имконият медиҳад, ки дар шароити имрўза стансия ба қадри лозима фаъолияташро идома диҳад. Солҳои охир стансияи ҳавошиносии Қурғонтеппа аз нав таъмиру таҷдид гардида услуби кори худро ҷоннок намудааст.

Харитаи обуҳаво

 

Аксҳо ва наворҳо

Пешгӯиҳо барои имрӯз

Бохтар +13...+15°C
Данғара +12...+14°C
Дарвоз +3...+5°C
Душанбе +9...+11°C
Кӯлоб +13...+15°C
Лахш +1...+3°C
Мурғоб -1...+1°C
Панҷакент +5...+7°C
Панҷ +13...+15°C
Рашт +3...+5°C
Хоруғ +2...+4°C
Ховалинг +10...+12°C
Хуҷанд +7...+9°C

Скачать виджет погоды

Хизматрасонӣ

Хабарҳои охирин

Elements not found

Агентии

     Гости мира

Flag Counter