Агентии обуҳавошиносии
Кумитаи ҳифзи муҳити зисти назди
Ҳукумати Ҷумҳурии Тоҷикистон
Асосӣ /

Ахбор

Баргузории ҷаласаи ҷамъбастии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон дар семоҳаи аввали соли 2025

Санаи 2 апрели соли 2025 дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ҷаласаи натиҷагирӣ аз фаъолияти семоҳаи аввали соли 2025 бо иштироки муовини аввали раиси Кумитаи ҳифзи муҳити зисти назди Ҳукумати Ҷумҳурии Тоҷикистон муҳтарам Шукурзода Исфандиёр Шукур баргузор гардид.

Ҷаласа таҳти раёсати директори Агентии обуҳавошиносӣ муҳтарам Қурбонзода Абдулло Ҳабибулло ҷараён гирифта, дар он масъалаи натиҷагирӣ аз фаъолияти Агентии обуҳавошиносӣ дар семоҳаи аввали соли 2025 ва вазифаҳо барои нимсолаи аввали соли 2025 мавриди баррасӣ қарор дода шуд.

Тибқи тартиби кори ҷаласа директори Агентӣ Қурбонзода А.Ҳ. аз рӯи масъалаҳои рӯзнома баромад намуданд ва сипас ҳисоботи сардорони раёсат, марказу шуъбаҳои Агентӣ шунида ва муҳокима гардиданд.

Дар баромади муовини аввали раиси Кумитаи ҳифзи муҳити зисти назди Ҳукумати Ҷумҳурии Тоҷикистон муҳтарам Шукурзода Исфандиёр Шукур қайд гардид, ки фаъолияти Агентии обуҳавошиносӣ дар давраи ҳисоботӣ аз рӯи натиҷаи таҳлилҳо дар ҳамаи самтҳо қаноатбахш арзёбӣ мегардад.

Вобаста ба ҳамаи масъалаҳои баррасигардида, таклифу пешниҳодҳо ва супоришҳои додашуда қарори дахлдори ҷаласа қабул гардида, масъулини иҷрои онҳо муайян ва муввазаф гардиданд.

02.04.2025