Субҳи 23 августи соли 2025 дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон шанбегии дастаҷамъона бо иштироки роҳбарият ва кормандони Дастгоҳи марказии Агентӣ баргузор гардид.
Иқдоми мазкур дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади ободу зебо нигоҳ доштани муҳити зист, омодагӣ ба таҷлили бошукӯҳи 34-умин солгарди Истиқлолияти давлатии Ҷумҳурии Тоҷикистон роҳандозӣ гардид.
Дар ҷараёни шанбегӣ кормандон ба корҳои тозакорӣ, ободонӣ ва шаклдиҳӣ ба дарахту буттаҳои ороишӣ, инчунин батартибдарории саҳн ва атрофи бинои Агентӣ машғул шуданд, ки ба баланд бардоштани сатҳи фарҳанги зист ва ободу озода нигоҳ доштани муҳити корӣ мусоидат менамояд.
Бояд зикр намуд, ки ободу зебо нигоҳ доштани муассиса ва муҳити атроф аз ҷумлаи иқдомҳои пайвастаи роҳбарияти Агентӣ ба ҳисоб рафта, чунин чорабиниҳо дар ҳамаи шабакаҳои давлатии обуҳавосанҷӣ бомаром идома доранд. Иқдомоти мазкур дар оянда низ бо роҳнамоиҳои бевоситаи роҳбарияти Агентӣ идома ёфта, барои фароҳам овардани фазои солим ва муҳити мусоиди корӣ барои кормандон нақши муҳим хоҳанд гузошт.
23.08.2025