Санаи 21 августи соли ҷорӣ роҳбарият ва мутахассисони соҳавии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон бо намояндагони Бонки Осиёии Рушд дар Ҷумҳурии Тоҷикистон Томас Кесслер – мутахассиси калони соҳаи молия (суғурта аз офатҳои табиӣ), Самир Исмоилов - мутахассиси соҳаи молия, роҳбари дафтари соҳаи молиявӣ, Дайна Коннолли - мутахассиси маблағгузории хатарҳои офатҳои табиӣ, тағйирёбии иқлим, устуворӣ ва муҳити зист вохӯрии дуҷонибаро анҷом доданд.
Дар рафти вохӯрӣ ҷонибҳо масъалаҳои хатарҳои офатҳои табиӣ, аз ҷумла обхезӣ, мубодилаи маълумот, истифодаи интерфейси моделсозии хатари офатҳои табиӣ, ҳамкориҳо дар доираи "Барномаи рушди бахшҳои маблағгузории офатҳои табиӣ бо назардошти хавфҳо" ва ҳамзамон нақшаи ҳамкориҳои минбаъда ҷиҳати рушди хизматрасониҳои обуҳавошиносиро матраҳ намуданд.
21.08.2025